AnePerniren Txokoa

Barac Obama, Estatu Batuetako presidente berria

2009-01-20T13:02:00.000-08:00

Mundua bideratzeko ardura erori zaio gaur Barac Obama estatubatuarrari, eta ez da ez lan makala urrengo lau urteetan izango duena. Izan ere, bere aurreko buruak mundu zail bat utzi dio> gerrak, krisiak...

Ikusi beharko da nola betetzen duen bere eginkizuna Estatu Batuetako 44. presidenteak, ea kanpainan esandakoak betetzen dituen eta egoera pixka bat hobetzen duen. Bushek egin zuena baino okerrago egitea, hori bai izango litzatekela zaila!

Zinexarra telebista!

2009-01-14T08:00:00.000-08:00

Zinexarrak, telebista "karka" bat izateko boleto guztiak dituela dirudi: zinearen hastapenei buruz hitzegiten du, aspaldiko filmeak emititzen ditu, zine mutuaren inguruko dokumentalak daude ikusgai etab.
Baina Zinexarra askoz gehiago da!!! Etorkizuneko telebista da, eta gaurko ikuspegitik zinearen urrezko garaiak ekartzen dizkigu gogora. Hori bai zela zinea egitea!

PROGRAMAZIOA

- 00:00 GTM+1 Kalean galdezka eta elkarrizketak

- 00:23 GTM+1 Dokumentalaren Aurkezpena

Historia del cine: Epoca muda Dokumentala

- 01:15 GTM+1 Lumiere anaien lehen Filma

- 01:28 GTM+1 El gran dictador Filma

- 03:28 GTM+1 Pelikularen aurkezpena

Asalto y robo de un tren Filma

- 03:49 GTM+1 Pelikularen Aurkezpena

Lo que el viento se llevo filma (B.O.)*

- 07:50 GTM+1 Pelikularen Aurkezpena

King Kong Filma

- 09:34 GTM+1 Pelikularen Aurkezpena

Una noche en la opera Filma (B.O)

- 11:15 GTM+1 Zine mutuaren asteko Lehiaketa

- 11:20 GTM+1 ¡Hurra por Charlot! Dokumentala

*B.O.: Bertsio originala

Letra etzanez idatzikoa guk egindako bideolanak dira. Honetaz gain, Video On-Demand-en ZineXarra telebistaren aurkezpena eta pelikulen kredituak daude.

2008-12-25T16:07:00.000-08:00

Ez pentsatu ezertaz. Hemen egon. Hemen atzerritarra naiz, baina aldi berean dena ezagun egiten zait...dena dela ezin naiz galdu, beti iristen gara hormara.Fotomatoi batean esperoko / itxarongo dut nire argazkia, irudia beste baten aurpegiaz aterako da, eta horrela historio berri bati ekin niezaioke.

Aurpegiak, aurpegiak ikusteko irrikitan nago. Ileapaindegi batean lana topa nezake. Beldur naiz gau hontaz. Ze inozoa. Larritzeak gaixo jartzen nau, zeren nire alde bat pilo bat larritzen / estutzen da eta besteak ez dio sinesten.

Nola bizi behar dut? Hain gauza gutxi dakizkit...
Beharbada kuriosaegia naiz. Hain aldrebes pentsatzen dut sarritan...

Begi ertxien barnean, are eta gehiago itxi oraindik...
ala harririk astunenek ere bizia hartzen dute.
Koloreengatik izan. Koloreak! Neoiak ilunabarreko zeruan, tranbia gorri eta horiak.
Beharra, maitasun uholde baten beharra.
Soilik prest egon eta munduko mutil guztiak begiratuko didate

Geure Kabuz

2008-12-22T09:10:00.001-08:00

Geure Kabuz, Donostiako talde gazte eta euskalduna da, musikaren mundu zail honetan beren txokoa egiten ari direnak. Oraingoz, lagun giroan ondo pasatzearekin nahiko dute, baina nork daki egunen batean urrutira helduko diren. Izan ere, ez dute batere gaizki egiten. Aupa zuek!

2. ataza "Miro Telebista"

2008-12-11T02:18:00.000-08:00

Irrati albistea zuzenduz

2008-12-09T15:20:00.000-08:00

ERNE deritzon Ertzaintzaren sindikatu independienteak hilabete honen 31ean eta otsailaren 1ean burutuko du bere bigarren kongresua. ERNE sindikatuak Bilbaon daukan egoitza aukeratu du batzarrea egiteko. Bertan, bost afiliatuko konpromisari batek eta sindikatuko buruzagiek hartuko dute parte. Dena den eta boto eskubiderik gabe izan arren, beste edozein afiliatu ere joan daiteke batzarrera.

Oraingoz, ponentzia bakarra prestatzen ari da ERNE sindikatua, eta afiliatu batzuek iruzkidu didatenez, aipaturiko ponentzia jarraipenekotzat jotzen da, 1988an egin zutenaren ildo beretik joango omen dena.

Hauexek nik egingo nizkioken zuzenketak:

- ERNE deritzon > ERNE izenadun
- sindikatu independienteak > sindikatu independenteak
- 31ean > 31n
- bost afiliatuko konpromisari batek eta sindikatuko buruzagiek hartuko dute parte > Afiliatutako bost konpromisarietatik batek eta sindikatuko buruzagiek hartuko dute parte
- Batzarrea hitza hainbat alditan erabiltzen du, nik horren beharrean beste sinonimo batzuk erabiliko nituzke, errepikapena saihesteko > biltzarra, batzarra, bilera, bilkura, batzaldi, asalblada etab.
- Dena den eta boto eskubiderik gabe izan arren, > Dena den, boto eskubiderik izan ez arren,
- ponentzia > Txosten (jatorragoa irrati albistegi baterako)
- Iruzkindu > Azaldu (jatorragoa irrati albistegi baterako)

Agur eta ohore Mikel

2008-12-01T14:47:00.000-08:00

zure doinuak betiko gogoan ZU SORTU ZINEN ENBOR BERETIK SORTUKO DIRA BESTEAK

Hegazti errariak
pausatu dira
leihoan
argia eta itzala
bereizten diren lekuan
argia eta itzala
leihoan
pausatu dira
hegazti errariak

(Hitzak: Joseba Sarrionandia. Musika: Mikel Laboa)

Leioako campus berriztatua

2008-11-18T15:02:00.000-08:00

Ez Harvard, ez Columbia, ezta Oxford Unibertsitateko instalazioak! Leioako campusa da!
Dirudienez, itxura hau izango du Bizkaiko campus jendetsuenak urte batzuk barrurako. Pentsatzen hasiak ginen fakultatea inguratzen zuten obra guztiak gustu txarreko broma baten parte zirela, inork ez baitzigun beraien berri eman. Emaitza ikusita, zertara bideratuak dauden ikus dezakegu, nahiz eta agian ezin izango dugun campusa guztiz bukatua ikusi karrera amaierarako. Ikusten badugu, karrera gehiegi luzatzen ari zaigun seinale.

Irlanda 08 (Power Director)

2008-11-18T14:18:00.000-08:00

Uda honetan Irlandan (Dublin eta Belfasten) izandako bidaiaren BIDEOLANA da honakoa.

Gauzen istorioa

2008-11-12T12:58:00.000-08:00

Hona hemen bizi garen GIZARTE KONTSUMOAREN azalpena, produkzio bideetatik hasi eta ondasuna zakarretara botatzen deneraino, pasatuz AEB gobernutik, hirugarren mundutik, ustiaketatik, eta beste hainbat arazoetatik.

Benetan merezi du ikusteak.

TOP 7 ZERRENDA

2008-10-26T13:20:00.000-07:00

Hona hemen ikasgai honetarako baliagarrienak izan daitezkeen webguneak nire ustez:

Youtube - http://es.youtube.com/

Youtube interneten bidez bideo digitalak konpartitzeko aukera ematen duen web orrialdea da. Zaila da bideo bat eskuratu nahi eta youtuben ez aurkitzea, bertan orotarik aurki daiteke eta. Bideoak mota guztietakoak dira eta guztion eskura daude. Bideoak jarri eta besteekin konpartitzea oso erraza da eta erregistratzea besterik ez dago. Interneteko webgune bisitatuenetakoa da, izan ere bere arrakasta itzela d abere kalitate eta berritasunagatik.

Zamzar – http://www.zamzar.com/

Formatu batetik bestera artxiboak pasatzeko aukera ematen digun doako online programa da. Ofimatika, irudi, bideo, audio etb. dokumentuak eraldatzen ditu 100Mb-rarteko pisua duten artxiboak izanik beti ere. Oso erabilgarria bere erabiltzeko erraztasunagatik, lau pausutan egin baitaiteke. Ikaragarria da artxiboak eralda daitezkeen formatuen aukera zabala. Izugarriko webgunea edonorentzat, eta ezinbestekoa ikus-entzunezko profesionalarentzat. Jada ez dugu gure ordenagailua milaka programez bete behar artxiboen formatu aldaketari dagokionean.

BBC - http://news.bbc.co.uk/hi/spanish/news/

Informazioaren gizartean bizi garenez gero, ezinbestean egon behar dugu munduan gertatzen denaren jakitun. Horretarako, oso erabilgarria da BBCren online portala. Bertan munduan zehar azken minutuko albisteak, erreportaiak, analisiak, bideoak, audioak, argazkiak, foroak eta beste hainbat baliabide aurki ditzakegu. Etengabe berritzen doan orrialdea da eta bertako edukiak profesionaltasunez garatuak daude.

Digg - http://digg.com/

Digg interneten dagoen edozer deskubritzeko eginiko web-orria da. Erabiltzaileek beren link eta istorioak jartzen dituzte, eta ondoren bozkaketa prozedura eta komentarioen bidezko pilaketa sistemaren bitartez antolatzen da informazio guzti hori. Milaka istorio aurkezten dira egunero, baina arrakastatsuenak bakarrik agertzen dira portadan. Oso interesgarri iruditzen zait aukera ematen duelako online komunitateak sortzeko, hau da, interes jakin baten inguruan interaktuatzeko miliaka pertsonekin.

Translate Google - http://translate.google.com

Izugarrizko aurkikuntza izan da niretzat orrialde hau. Badirudi beste itzultzaile normal bat dela, baino google-en itzultzaile honek hitzak itzultzeaz gain, testuak eta webgune osoak itzultzen ditu!! Ikaragarri erabilgarria suerta dakioke edonori, eta ikasgai honetarako zer esanik ez. Izan ere, informazio asko ingelesez daukagu sarean gure lana zaildu dezaketenak. Zoritxarrez, oraindik ez dugu eskaraz baliabide hau erabiltzerik.

EITB - http://www.eitb.com/

Ez dugu ahaztu behar, ikasgai hau euskaraz ematen dugula, eta beraz, beharrezkoa dugula euskarazko informazio webgune egoki bat. Nire aukera eitb litzateke. Beren orrian eguneraketak ere etengabeak dira eta bideoak, argazkiak, foroak ere aurki ditzakegu, Euskal komunitateari zentratuagoak.

Skype - http://www.skype.com

Doako softwar honen bidez munduko edozein pertsonarekin zuzenean kontaktuan egoteko aukera dugu. Telefono batetatik hitz egingo bagenu bezala, skype-en erregistratutako erabiltzaileekin deiak egin ditzakegu, baita bideodeiak egin ere! Erabilgarritasun aldetik itzela suertatzen da edonorekin edozein momentutan kontaktu zuzenean egotea ahalbidetzen baitu.

Gure Irratia

2008-10-24T15:47:00.001-07:00

Gure Irratia euskarazko irrati-katea da, Lapurdin egoitza nagusia daukana eta Ipar Euskal Herri osorako emititzen duena (106.6 FM), bai eta Gipuzkoa eta Nafarroako inguruko eskualdeetarako ere (105.7 FM).

12 profesional eta kolaboratzaile eta berriemaile talde zabal batek irrati generalista eta euskaldun bat grabatzen dute Lapurdiko entzuleei zuzendua.

1 Historia

1.1. Hastapenak

1.2. Irratiaren lekualdatzea

1.3 Sutea

1.4. Egungo egoera

2 Entzuleak

3 Emanaldiak

4 Euskararekiko konpromisoa

5 Ikus, gainera

6 Kanpo loturak

Historia

Hastapenak

Emisora 1981eko azaroaren 24ean jaio zen, irratien bateratzerako lege berriaren babespean. Pertsona talde batek Iparraldean irrati euskaldun bat sortzearen erabakia hartu zuen, arazo tekniko eta finantzieroak gainditu ondoren. Lehen emisore eta estudioak Milafrangan (Lapurdi) kokatu ziren. Emisioak ilunabarrean izaten ziren, hiru ordukoak, eta hiru pertsonek egiten zituzten. Batez ere musika irratsaioak ziren. Gerora, eguerdiko emisioetan berri emanaldiak gehitzen joan ziren. 1982an Gure Irratia karaktere profesionalagoaren jabe egiten joango zen, baina finantza krisian kokatu zen, zeinetatik aurrera egitea lortu zuen diru-laguntza garrantzitsu baten sostenguarekin. Ia hasieratik beste Iparraldeko euskal irratiekin elkarlanean aritu zen, Xiberoko Boza eta Irulegiko Irratia. Esperientzia itzela suertatu zen, eta gaur egun ere emanaldi batzuk elkarrekin egiten dituzte.

Irratiaren lekualdatzea

1985ko urrian, emisorea Baionara lekualdatu zen, irrati hiritar bat bilakatuz. Gure Irratia ezaguna izaten hasten da eta instituzio eta herrialdeko agente sozial eta kulturalek kontuan hartzen asten dute.

Sutea

20. urteurrena bete ondoren, kanpaina handiari ekin zioten Euskal Herri osoan bulegoak eta instalazioak handitzeko asmoz. Azkenik, 2006an zabaldu zuten bulego berria Uztaritzen. Urte hartako abenduan sutea pairatu zuten, baina horrek zorionez ez ditu eten jarduerak. Irratiko langileak eta laguntzaileak atsedenik gabe ibili dira ordutik berriro ere abian jartzeko. Sutea gertatu eta hurrengo egunean, Uztaritzeko Herriko Etxeak beste egoitza bat utzi zuen, lehengoaren ondoan, eta hura atontzea eta emititzeko eta irrati lanak egiteko behar bezala prestatzea izan dute erronka. Dudarik gabe, erronka horretan ezinbesteko babes izan dute hainbat erakundek, gizarte eragilek eta herritarrek emandako laguntza. Esaterako, Durangoko Azokan jarri zuten kutxan 16.000 euro inguru bildu zituzten euskaltzaleek emanik.

Hain justu, laguntza hori guztia eskertuz hasi dute Gure Irratiko kideek sutearen ondorengo aro berria.

Egungo egoera

Gaur egun, irrati lapurtarrak indar handia hartu du. Estudio bat zabaldu du Hazparnen, baita Hendaian ere, azken hau Antxeta Irratiaren izenpean. Bulego hauetatik, bost orduko emanaldiak egiten dira Txingudiko badiako entzuleentzat (Hendaia, Irún, Hondarribia.).

Entzuleak

Lapurdi, Baxe-Nafarroa eta Xuberoa, Gipuzkoako iparraldea eta kostaldea, Nafarroako mendialdea eta Landesetako hegoaldean entzun daiteke. Siadecoren inkesta baten arabera, entzuleen kopurua 24.500 pertsonetara igo da.

Emanaldiak

Euskarazko irrati orotarikoa dugu. Egunean 24 oreneko zabalpena du, 7 egunez astean, hauetarik 16 oren eta erdi zuzeneko berezko ekoizpenak direlarik. 12 pertsonako talde batek 9 postu denbora osoz segurtatzen du ekoizpen hau, hauetaz gain beste 82 laguntzailek parte hartzen dutelarik: Gazte Irratia osatzen duten 23 lekuko laguntzaile, 26 gazte, kiroletako laguntzaile bereziak, antzerki eta zinema kritikariak, eta abar.

Euskararekiko konpromisoa

Irratiaren helburua, gure hizkuntzaren normalkuntzarako orotariko euskarazko irrati profesional baten dinamizatzea da.1981etik, irratiak paper garrantzitsu bat jokatu du gure hizkuntzaren garapen eta iraupenaren alde. Irratiak, hamarkada desberdinen arteko zubia egin eta egiten du, hiztegia aberastuz, modernizatuz eta gaur egungo gizartearen beharren arabera eguneratuz. Entzun-Ikus taldea eta GURE IRRATIAk esperantza osoz aurre egiten diote XXI. mende honi. Alde batetik, irratia, formatua eta kalitatezko soinu batendako beharrezkoa den materialaz osatua den talde profesional batez egituratua delako. Bestalde, euskarak, normalizaziorako fase berri bati aurre egiten dio Lapurdi, Baxe-Nafarroa eta Xuberoan.

Ikus, gainera

Ekaitza

Irulegiko_irratia

Kazeta.info

Le Journal du Pays Basque

Xiberoko Botza

Kanpo loturak

http://www.gureirratia.com

KMK 08!!!

2008-10-10T07:09:00.000-07:00

Pasa den igandean, Irurako ikastolak bere egun handia ospatu zuen kilometroak 08ren jaialdiarekin.
Gu bertan izan ginen, kriston kontzertuetaz gozatzen (Obrint Pass, Betagarri, Trikizio...) eta jaialdiarekin bat eginez.

Datorren igandean Nafarroak Oinezen txanda izango da. Ea pasa den igandean Irurara gerturatu zen bezainbeste jende gerturatzen den Iruñeko Jaso Ikastolara.

Euskararen aldeko elkartasunaren alde!

2008-10-08T12:47:00.000-07:00

KAIXO!!!
Hau da nere blog berria, myspace, tuenti ta guzti hauekin nahikoa ez bazen oain blogarekin nator... ea nola moldatzen naizen (aholkuak ongietorriak izango dira).

aio! ondo pasa!

ane*